ఈ తరం రచయిత వి.మల్లికార్జున్తో కాసేపు…
ఊరు నల్లగొండ. పేరు మల్లికార్జున్. ట్విట్టర్ అవతారం (X account) @insidemalli.
చదువు పూర్తయిందన్న నాటికి ఇంజినీరుగా డిగ్రీ చేతిలో. రాయాలని దాచుకున్న కథలెన్నో మనసులో. ఉద్యోగం కొంత కాలం “సాక్షి,” “వెలుగు”పత్రికలలో. ఎలాగూ కలం చేతిలో. ఇక చుట్టూ చూసిన, చూస్తున్న లోకం, రెక్కలు కట్టుకు ఎగిరే తన ఊహాలోకం… రచయితగా సాకారం!
ఇరానీ కేఫ్, కాగితం పడవలు, నల్లగొండ కథలు.. రచయిత మల్లికార్జున్ కథలు ఎంత పాప్యులర్ అయినాయంటే, ఎంతగా చదువరుల ఆదరణ పొందాయంటే, కాగితం పడవలు అచ్చై, అమెజాన్లో అందుబాటులో ఉందన్న రోజే, “అన్నా పీడీఎఫ్ ఉంటే పంపుతావా?” అని వాట్సాప్ సందేశాలు అందుకునేంత!
తన కథలు పుస్తకంగా ముద్రించుకోవటానికి, తనకు నచ్చిన విధంగా డిజైన్ చేసుకుని, తన పాఠకులను నేరుగా చేరాలనే ప్రయత్నంగా “అజు పబ్లికేషన్స్” ప్రచురణ సంస్ఠ స్థాపించి, తనతో పాటు మరెందరో కథకులను కూడా తెలుగు సాహితీ లోకానికి పరిచయం చేసాడు. ఈరోజు వారంతా మనకు సుపరిచితులవటానికి తను ఊతమయాడు.
ఇందులో మాకు తెలీని విషయాలేమున్నాయనీ… నీకెంత దగ్గరో, మాకూ అంత సన్నిహితుడేగా అని విసుగుపడేవు.. అందుకే, ‘నీకు నా ప్రేమ,’ అనే వాక్యంతో మనందరికీ దగ్గరై, అందరినుండీ అంతులేని అభిమానం అందుకున్న మన నేస్తంతో కాసేపు.
ఐతే ఇందులో ఓ చిన్న తిరకాసుంది. వీడు చెప్పేవన్నీ ‘ఔను కథలే…’నో, ‘ఔను కదా!’లో, మనకెలా తెలుస్తుంది?! అందుకే మేం కూడా గెలివిగా పలుకు.ఇన్ టీమ్నుండి ఓ కథా రాకాషి.ని బర్లోకి దింపాం! గిచ్చు, గిల్లు, నడ్డిమీన్నాలుగు ఛంపెయ్యూ.. నీక్కొత్తగా నేరిపీక్ఖల్లా కదా. నాలుగు ప్రెశెన్లూ, వాటికి నాలుగింతలు జవాబులూనూ తే, ఫో…, గో గల్ల్ డూ యిట్టని తోలాం!
పక్క పేజీలో మల్లితో ముచ్చట.
మనందరి తరఫున మాధురి. మన కోసం, తనవైపునుండి మల్లి.
చదవండి. ఈ ఇంటర్వ్యూ గురించి మీ స్పందన తెలియచేయండి. మీకూ ఏమైనా ప్రశ్నలున్నాయా? అడగండి.
అభినందనలతో,
సంపాదకులు
పలుకు.ఇన్
