(చివరి భాగం )
స్నేహితుడి ప్రేమ/పెళ్లి విషయాల్లో పడి అసలు సంగతి మర్చాను.
మా ఇంగ్లీష్ లెక్చరర్ సుమంత్ గారి గురుంచి చెప్పకపోతే అసలు కాలేజి గురించి చెప్పినట్లు కాదు.
తెల్ల ప్యాంటు,తెల్ల షర్టు టక్.చాలా పొట్టి.
ఒక్క సారి క్లాసు లోకి వచ్చి టేబుల్ దగ్గర నిల్చుని గళం విప్పితే pin drop సైలెన్స్.
Poetry చెపుతుంటే అదో ఎమోషన్.
Tennnyson Ulysses. లో”I drink life to lees”. ఈ వాక్యానికి అర్ధం చెప్పుతూ, (Lees అంటే గ్లాసు లో మిగిలిన అట్టడుగు ద్రవపు చుక్కలు.) ఈ వాక్యం జీవితం లో ఎంత ఇంపార్టెంటో విశదీకరిస్తూ చేయటానికి మూడు క్లాసుల టైం తీసుకొన్నారు.అన్నిదృక్కోణాలు కవర్ చేస్తూ ఆయన చెప్పిన మాటలు,తాత్పర్యం 53 ఏళ్ళైనా గుర్తు చేసుకుంటూన్నా నంటే ఊహించు కోవచ్చు ఎంత బాగా చెప్పారో.!!
అలాగే Ulysses లోనే “I follow knowledge like a sinking star”.. ఈ వాక్యాన్ని ఆయన అదే స్టయిల్లో మూడు క్లాసుల్లో విడమరిచి చెప్పారు..
Twelfth night మొదటి వాక్యం “ if music be the food of love, play on” గురించి రెండు క్లాసుల్లో explain చేయటం వల్ల ఈ రోజుకు కూడా అవి గుర్తున్నాయి. ఆయన ఓ సూపర్ లెక్చరర్ గారు.
B.Sc ఇంగ్లీష్ లాంగ్వేజ్ క్లాస్ లో pindrop సైలెన్స్ అంటే మాటలా?
మా సుమంత్ మాస్టారిని మరొక్క సారి తలచుకుంటూ వారికి అంజలి ఘటిస్తూ ఇక్కడితో ……
….ఆర్ట్స్ కాలేజి కబుర్లు సమాప్తి అని తెలియచేసు కొంటున్నా.
