నేను , శ్రీమతి ఢిల్లీ లో 1978 లో లజ్పత్ నగర్ లో సంసారం మొదలుపెట్టాం.బుడ్డోడు పాకుతున్నాడు.
భుజానికి వేళ్ళాడే సంచి లో రోజూ లంచ్ బాక్స్ , ఒక నవల , 2 రూపాయల చేంజ్.
వెళ్తానికి 60 పైసలు,రావటానికి 60 పైసలు. ఓ పది రూపాయలు రిజర్వు.పొద్దున్నే 6 కు లేచి ప్లాస్టిక్ జార్ తీసుకొని MOTHER DIARY వెండింగ్ మెషిన్ క్యూ లో నిలబడి అర లీటర్ పాలు తీసుకొని వచ్చి కాలకృత్యాలు +టిఫిన్ అవగొట్టి 9 కి బయలు దేరి రాత్రికి 8 కి వచ్చేవాడిని. ఇది దిన చర్య. ఆది వారం ఇంటి క్రింద మార్కెట్ లో మృణ్మయ పాత్రలో వడ సాంబార్.. నెల-రెండు నెలలకోసారి సినిమా . అప్పుడు చూసినవి akhion ke jharokon se +వేటగాడు +సిరిసిరి మువ్వ etc
ఇంతకుముందు చెప్పినట్లు మెయిన్ బ్రాంచ్ కనాట్ ప్లేస్ -మహా సముద్రం.
ఓ ఆరు నెలల తర్వాత నేను ఫారిన్ ఎక్స్చేంజి డిపార్ట్మెంట్ లో పనిచేస్తున్నప్పటి సంఘటన :
నేను బ్రాంచ్ లో అందరితో చాలా కలివిడిగా ఉండేవాడిని. హిందీ తెలుసు కాబట్టి ( మిగతా ఆరవ ఆఫీసర్ల కాకుండ )
తొందరగా “తలలో నాలుక ” (?) లా అయిపోయాను.
ఫారిన్ ఎక్స్చేంజి డిపార్ట్మెంట్ ఫస్ట్ ఫ్లోర్ లో ఉండేది. మేజనైన్ లో పెర్సొనెల్ +డే బుక్ +అకౌంటింగ్ సెక్షన్లు ఉండేవి. గ్రౌండ్ ఫ్లోర్ లో పెద్ద బ్యాంకింగ్ హాల్.
లిఫ్టులు లేవు.
ఒక రోజు మేనేజర్ తో గ్రౌండ్ ఫ్లోర్ లో ఏదో వాదించి మేజనైన్ ఫ్లోర్ ద్వారా ఫస్ట్ ఫ్లోర్ కు పోతుంటే, పెర్సొనెల్ డిపార్ట్మెంట్ లో పనిచేస్తున్న ఒక అమ్మాయి ( ఢిల్లీ లో జన్మం + చదువు ఢిల్లీ యూనివర్సిటీ ) నన్ను ఆట పట్టించాలని చాలా కాజువల్ గా — గౌసు , Your upper floor is to let” అని కామెంట్ చేసింది.( అంటే నా బుర్ర ఖాళీ -అక్కడ ఏమి లేదనే అర్ధం ) .అది harmless funny కామెంట్. మేనేజర్ తో వాదులాట మైండ్ లో ఉండటం వల్ల,నేను అసంకల్పితంగా ఒక Inappropriate కామెంట్ చేశా. ఎప్పుడు నేను అలా చేయను. ఆడవాళ్ళ దగ్గర అసలు చేయను. కానీ చేశాను.అక్కడ ఉన్న 15 మంది staff లో ఓ పది మంది విన్నారు. ఆ అమ్మాయి కూడా విని,తల వంచుకొంది కానీ పెద్దగా రియాక్ట్ అవ్వలేదు. నేను పైకి వెళ్లి పోయా. సాయంత్రానికి మర్చి పోయా..
ఆ రోజు బస్సు లో ఇంటికి పోతుంటే ఇది గుర్తు కొచ్చింది. నేను తప్పు చేసానని అని ఎక్కడో గిలి. సరే, ఇంటికి వెళ్లి , స్నానం, భోజనం కానిచ్చిన తరువాత, శ్రీమతి తో ఈ సంఘటన పూర్వాపరాలు చెప్పాను. మా ఆవిడ నన్ను తీవ్రంగా మందలించింది.మీరు ఎప్పుడూ అలా మాట్లాడరు కదా?. ఏమైంది మీకు అని క్లాసు పీకి, మర్నాడు నన్ను”ఆ మేజనైన్ ఫ్లోర్ కు వెళ్లి , ఆ అమ్మాయి ఒంటరి గా ఉన్నప్పుడు కాదు, అందరూ ఉన్నప్పుడు ఆ అమ్మాయికి బేషరతు గా క్షమాపణ చెప్పండి. క్షమించమని అడగండి. మీరు చెప్పక పోతే మర్నాడు నేను వచ్చి క్షమాపణ చెప్పాల్సి వస్తుంది ” అని అల్టిమేటం జారీ చేసింది. ఆలోచించగా సబబే అనిపించింది.
మర్నాడు నేను వెళ్లి ఆ అమ్మాయి ముందు నిల్చొని అందరూ చూస్తుండగా క్లియర్ గా ” నేను నిన్న చాలా inappropriate గా కామెంట్ చేశాను.మై సిన్సియర్ apologies . ప్లీజ్ నన్ను క్షమించు ” అని చెప్పాను. ఆ అమ్మాయి shocked . తను ఊహించ లేదు.. toxic work environs అని సమాధాన పడి ఉండిపోయినట్టుంది.
అప్పుడు something strange happened.. ఆ అమ్మాయి గబుక్కన కుర్చీ లో నుంచి లేచి నా దగ్గరకు వచ్చి నన్ను hug చేసుకొని,” నేను ఇలాంటి కామెంట్లు చాలా విన్నాను. నీలాగా వచ్చి ఎవ్వరూ apologise చెయ్యలేదు. you are a Gentleman” అని చెప్తూ కన్నీళ్లు పెట్టుకొంది. ఆ ఘటన తర్వాత ఆ అమ్మాయి నాకు చాలా మంచి నేస్తం అయింది.
ఆ రోజు రాత్రి నేను జరిగిన విషయం శ్రీమతి తో చెప్పగా ” మా వారు చాలా మంచి వారని” సంతోషం గా నన్ను కౌగిలి లో పొదువుకొంది.
Admitting mistake is graciousness.
====
