సత్య పెళ్లి

ఒక సారి 1972 మొదట్లో అనుకుంటా..సత్య ఇంటికి వెళ్లా.

హాల్లో కూర్చుని తన కోసం వెయిటింగ్.ఇంతలో ఇంకెవరో వచ్చారు.అప్పటికే చూసి సంవత్సరం పైన అయిందేమో ఓ క్షణం తటపటాయించి గుర్తు పట్టి అరే..మీ మొటిమలు ఏమైపోయాయి అని అడిగా ఆ అమ్మాయిని ..నాకు అక్కడ అలా చూసే సరికి involuntary గా వచ్చేసింది. మొటిమలు అలా ఉండి పోతాయా?అంటూ రుసరుసలు.

వాడు వచ్చి మీట్ …. అని పరిచయం. ఓసోస్ అనుకొని నాకు తెలుసులే అన్నా. కొంచెం సేపు ఎదో మాట్లాడి వెళ్ళిపోయింది. నేను వాణ్ణి .. ఏరా..మాకు తెలియకుండా కథ నడుపుతావా ?అని క్లాసు పీకా ! ..అది కాదు అని కవర్ డ్రైవ్.

సరే. నేను మరల ఆ అమ్మాయిని కలవ లేదు. 1972 జూన్ లో వాడు Sagar univ/నేను Nagpur univ వెళ్ళి పోయాము. బతుకు దారులు వేరయ్యాయి. 1974 లో నా పెళ్లి. నా JNU ఆశ అడియాశ అయిపోయింది.ఇంతలో సత్య కు JNU లో సీట్.నేను సంతోషపడ్డా. వాడు JNU లో PhD చేశాడు.

నేను 1977 లో బ్యాంకు ప్రొబేషనరీ ఆఫీసర్ గా సెలెక్ట్ అయ్యాను.

ఒక సారి సెలవల్లో నేను Delhi నుండి కొవ్వూరు కు వచ్చా. వీరభద్ర రావు అప్పటికి SI గావెలగబెడుతున్నాడు. వాడు,నేను,సత్య కలిశాం. రాజమండ్రి హోటల్ రూం లో సత్య పెద్ద ఎత్తున డ్రామా చేసి, నేను ఆ అమ్మాయినే చేసుకుంటాను. ఇంకెవ్వరూ వద్దు. ఇంట్లో ఒప్పుకుంటం లేదు. అంతస్తులు వేరట అని వాపోయాడు.

మీరు తప్ప నాకు దిక్కు లేదు అని నల్ల mail చేశాడు. నేను.. ఒరే దొంగ వెధవ..మాకు చెప్పకుండా ఇంత తతంగం నడిపి ఇప్పుడు అంటే ఎలా? అని తిట్టి పోసాను.

వీడి బాధ చూడలేక నేను భద్రం వాళ్ళ ఇంటికి వెళ్ళాం.వాళ్ళ నాన్న గారు (దత్తత తీసుకున్నారు వీణ్ణి )నన్ను,భద్రాన్ని భయంకరంగా తిట్టి,ఎందుకయ్యా మీరు స్నేహితులు..మీరు వాడికి నచ్చ చెప్పలేరా? అని క్లాసు పీకి భయంకరమైన 4 తిట్ల సెషన్ల తర్వాత ఒప్పుకున్నారు. నేను ఢిల్లీ వెళ్ళి పోయాను .

సత్య పెళ్లి పిలుపు చేరింది. కాన్పూర్ నుండి సతీ సమేతంగా వచ్చాను. కొన్నాళ్ళకు ఇంట్లోవాళ్ళు సమాధాన పడ్డారు. ఆ అమ్మాయి PhD చేసి,Prof అయింది. వీడు కూడా Prof. అలా మాకేవ్వరికి తెలియకుండా రహస్యం గా 6 ఏళ్లు నడిపాడు కథ… ప్రేమకథలు గమ్మత్తు గా జరిగి పోతాయి…

(సశేషం)